Vozač Mercedesa Nijemac Niko Rozberg osvojio je pol poziciju za Veliku nagradu Španije u Formuli 1.
Nijemac je na stazi Katalunja izvezao najbrži krug za jedan minut, 24 sekunde i 681 stotinku.
Sa druge pozicije startovaće Rozbergov klupski kolega Britanac Luis Hamilton, koji je u kvalifikacijama ostvario za 267 stotinki sporije vrijeme.
Treće mjesto u kvalfikacijama zauzeo je vozač Ferarija Nijemac Sebastijan Fetel, dok će sa četvrtog mjesta startovati Finac Valteri Botas iz Vilijamsa.
U trećem startnom redu nalaze se vozači Toro Roso tima Španac Karlos Sajnc i Holanđanin Maks Ferstapen.
Rozbergu je ovo 16. pol pozicija u karijeri, a prva u sezoni.
Trka za Veliku nagradu Španije na stazi Katalunja voziće se u nedjelju od 14.00.
Pratite nas na našoj Facebook i Instagram stranici, kao i na X nalogu.