S obzirom na opšti porast popularnosti robota za seks, mnoge je zabrinula mogućnost da nepoželjna osoba te robote u najgorem trenutku može da hakuje i okrene protiv vlasnika.
Ilustracije radi, mašine ovog tipa mogu biti teške preko 100 kilograma, a opremljeni su mehaničkim rukama i nogama koje uz navođenje hakera mogu uzbuđenog seksualnog partnera uz malo truda da pretvore u mrtvog seksualnog partnera.
Nik Paterson, predavač specijalizovan za tehnologiju na Univerzutetu Dikin u Melburnu vjeruje da će roboti za seks, kao i brojni drugi proizvodi za dom, biti spojivi na internet. Kao i kod drugih uređaja vjerovatno drukčijih namjena, postoji rizik da će ih neko prije ili kasnije hakovati, piše TechSpot.
"Hakeri mogu da hakuju robota i preuzmu kontrolu nad svakim njegovim djelom uključujući ruke, noge i dodatne alate poput noževa ili aparata za varenje", upozorava Paterson.
Ozbiljna prijetnja ili skeč komedija?
U ovom trenutku priča o seksualnim terminatorima zvuči kao scenario apsurdne komedije. Ipak, uzmete u obzir da će svi ti uređaji jednom sigurno biti spojeni na mrežu i imati napredne funkcije. Neke od njih mogu imati veze sa ranjivom vještačkom inteligencijom što znači da ne govorimo o nečemu što se nikad ne bi moglo dogoditi.
Ako vam treba još razloga za zabrinutost, uzmite u obzir da je prošlog mjeseca IOActive demonstrirao da može da hakuje i upravlja robotima iz daljine. Preuzeo je kontrolu nad mini robotom UBTech Alpha 2 i pretvorio ga u mini-ubicu Chuckyja.
(tportal.hr )
Pratite nas na našoj Facebook i Instagram stranici, kao i na X nalogu.