BRATISLAVA - Slovačka će kupiti američke avione F-16 kako bi što prije zamijenila ruske MiG-ove 29 i tako se dodatno odmakla od Rusije.
To je izjavio visoki funkcioner slovačkog ministarstva obrane Róbert Ondrejcsák, piše "Defense News".
"Veze s Rusijom režemo najbržim mogućim tempom. Ono što nas trenutno najviše veže s njima su MiG-ovi 29 koje Rusija proizvodi - kad dođu F-16 to više neće biti problem jer će nam ostati samo nekoliko manjih ruskih oružanih sistema", rekao je Ondrejcsák na marginama Međunarodnog foruma o bezbjednosti u kanadskom Halifaxu, prenosi "Novac.hr".
Slovačka je početkom jula ove godine odlučila da će da kupi 14 novih višenamjenskih borbenih aviona F-16V ("Viper") od SAD, po cijeni od 1,87 milijardi dolara.
Slične avione (F-16 Block 70/72) su Amerikanci, to jest kompanija Lockheed Martin, ponudili i Hrvatskoj, ali su ocijenjeni kao preskupi te su izabrani polovni izraelski F-16 Barak avioni.
Isporuka novih borbenih aviona planirana je za 2022. i 2023. godinu, nakon čega će Slovaci penzionisati 12 MiG-ova 29 čija je posljednja nadogradnja izvršena 2008. godine u Rusiji.
Pratite nas na našoj Facebook i Instagram stranici, kao i na X nalogu.