NAJROBI - Kenijska maratonka Džulija Mumbi Muraga, pobjednica Kelnskog maratona 2014, suspendovana je na dvije godine zbog pozitivnog doping nalaza.
Kako je saopštila Atletska federacija Kenije, tridesetjednogodišnja Muraga bila je pozitivna na eritropoetin (EPO).
Džuliji Muraga je Njemačka antidoping agencija oduzela titulu iz Kelna, a za pobjednicu je proglašena Etiopljanka Šašo Insermu.
Na desetine kenijskih atletičara u posljednje dvije godine palo je na antidoping testu, a zvaničnici kenijske vlade za rastući broj doping slučajeva okrivljuju inostrane menadžere i nemogućnost nacionalne Atletske federacije da pruži adekvatno obrazovanje atletičarima.
Pratite nas na našoj Facebook i Instagram stranici, kao i na X nalogu.