BEOGRAD - Svečani doček povodm velikog uspjeha ženske košarkaške reprezentacije Srbije i osvajana prvenstva Evrope u Mađarskoj i Rumuniji biće organizovan večeras od 20 sati ispred Skupštine grada Beograda.
Kako je saopšteno iz Košarkaškog saveza Srbije, srpske košarkašice će se prije dolaska na balkon provozati u otvorenom autobusu.
Izabranice Marine Maljković u nedjelju uveče pobijedile su Francusku sa 76:68 u finalu EP u Budimpešti i time ostvarile najveći uspjeh u istoriji ženske košarke u Srbiji.
Pored titule evropskih šampionki, reprezentacija Srbije je obezbijedila i direktan plasman na Olimpijske igre u Rio de Žaneiru naredne godine.