Debi Najdžela Mensela na trci "24 časa Le Mana" završen je nešto manje od 20 minuta poslije starta 78. izdanja legendarne trke. Na automobilu, bivšeg šampiona Formule 1, je pukla guma u 17. minutu trke i on je potom udario u zaštitnu ogradu poslije "Mulzan" krivine. Mensel je poslije nezgode prevezen u bolnicu, a organizatori su objavili da se dobro osjeća.
"Otišao je u bolnicu na dodatne preglede. Udar je bio jak, ali trebalo bi da bude dobro. Zbog svog adrenalina je bolje tako nego da poslije razmišljamo o tome. U ovom trenutku izgleda kao da nešto nije bilo u redu na zadnjem dijelu automobila, ali još nismo sigurni", rekao je Greg Mensel, Najdželov sin.
Najdžel Mensel se u Le Manu takmičio u timu sa sinovima Leom i Gregom.