Glumac filmova o Hariju Poteru, ali i filmova poput "Umri muški" i "U stvari ljubav", koji je preminuo u 69. godini 2016. godine, počeo je ručno da piše svoje dnevnike početkom 1990-ih, uvijek sa namjerom da jednog dana budu objavljeni.
Sada će mu se taj san i ostvariti, pošto će 27 svezaka njegovih "duhovitih, ogovarajućih i krajnje iskrenih" unutrašnjih misli biti objavljeni kao jedna knjiga, "Dnevnici Alana Rikmana".
Izdavačka kuća "Canongate" stekla je prava na dnevnike, a urednik "Scottish Review of Books" Alan Tejlor trebalo bi da uredi knjigu.
Rikmanova udovica Rima Horton rekla je da je "oduševljena" vijestima.
"Dnevnici ne otkrivaju samo glumca Alana Rikmana, već i stvarnog Alana - njegov smisao za humor, njegovo oštro razmišljanje, njegovo majstorstvo i predanost umjetnosti", navela je ona.
(B92)
Pratite nas na našoj Facebook i Instagram stranici, kao i na X nalogu.