Pjevač Stevan Anđelković postao je otac po drugi put, a lijepe vijesti obradovale su njegove kolege, prijatelje i publiku. Srećnu vijest na društvenim mrežama podijelila je njegova koleginica i kuma Milica Todorović, koja nije krila koliko se raduje prinovi u porodici svog bliskog prijatelja. Tom prilikom otkrila je i da su Stevan i njegova supruga Nataša dobili dječaka.
Milica je uz objavu uputila emotivnu čestitku ponosnim roditeljima, a iz njenih riječi jasno se vidi koliko joj znači što je porodica Anđelković postala bogatija za još jednog člana. Pjevačica je posebno pozdravila novorođenog dječaka, a nije propustila priliku ni da čestita mami i tati na prinovi.
„Dobro nam došao, dečače! Voli te kuma! Bravo, mama i tata!“, napisala je Milica, označivši Stevana i njegovu suprugu Natašu.
Stevan i Nataša već imaju kćerku Đinu, koja je rođena prije tri godine, a sada su dobili i sina. Dolazak drugog djeteta predstavlja novo poglavlje za njihovu porodicu, koja je, sudeći prema ranijim pjevačevim izjavama, prošla kroz težak i emotivan period prije nego što su se ostvarili kao roditelji.