Stanovnici sela Hadžince na jugoistoku Srbije donijeli su odluku da ime sela promijene u Putinovo u čast ruskog predsjednika, piše Sputnjik.
Stari naziv sela potiče iz vremena turske vlasti i lokalnim stanovnicima se nikada nije dopadao. Poslije glasanja oni su nedjelju dana radili na novom znaku na ulasku u selu.
Napravili su ga od ogromne hrastove daske i izrezbarili ime sela, prenosi „Ruska rieč“.
U ekskluzivnom intervjuu za portal BalkanPro.ru lokalni stanovnici su rekli da će umjesto tradicionalne šljivovice i kajsijevače seljaci odsad proizvoditi ekološki čistu rakiju „putinovaču“.
Selo se nalazi u opštini Medveđa na granici sa Kosovom. Ovu informaciju je na svom profilu na Fejsbuku objavio Vladimir Solovjov, jedan od producenata ruske državne televizije „Rusija“, ’90-ih godina dopisnik Prvog kanala ruske televizije na Balkanu.
(b92)