Sada svaki roditelj može izračunati idealno vrijeme u kojem dijete treba staviti na počinak kako bi imalo kvalitetan san. Pogledajte kako
Dječji san prava je muka za roditelje. Mališani često ne žele da zaspu onda kada bi roditelji to htjeli ili se bude prerano i loše raspoloženi. Stručnjaci kažu da se takvo ponašanje može spriječiti, a tajna je u izboru idealnog vremena za lijeganje u krevet. Isto vrijedi i za tinejdžere do 18 godina. Barem ako je vjerovati Kalkulatoru za san.
Sada svaki roditelj može izračunati idealno vrijeme u kojem dijete treba staviti na počinak kako bi imalo kvalitetan san.
Potrebno je samo unijeti godine djeteta i vrijeme kada dijete mora ustati sljedećeg jutra. Nakon toga kalkulator će vam reći kada je idealno vrijeme za gašenje svjetala.
Autori kalkulatora napominju kako bi roditelji trebalo da znaju da neka djeca trebaju i više od 12 sati sna svake noći, a drugima je dovoljno i manje. Takođe, većini djece potrebno je oko 14 minuta da utonu u san i to je uračunato u rezultate koje daje kalkulator, piše Daily Mail.