PRIŠTINA - Na zgradu skupštine Kosova je kasno sinoć bačena eksplozivna naprava, ali u eksploziji nije bilo žrtava, javila je agencija Rojters.
Svjedoci navode da je poslije eksplozije specijalna policija blokirala područje oko skupštine u potrazi za počiniocima.
Prema navodima kosovskih medija, eksplozija se dogodila u blizini skupštinske garaže.
Dnevnik "Ekspres" tvrdi da je na parlament ispaljena "zolja", prenio je RTS.
Zgrada parlamenta se nalazi u prometnoj ulici u centru Prištine.
Eksplozija se dogodila noć uoči sjednice kosovskog parlamenta, na kojem je najavljena rasprava o zakonu o demarkaciji granice sa Crnom Gorom, čemu se oštro protivi opozicija, prije svih pokret Samoopredeljenje.