BERLIN- Nema znakova terorizma u napadu, izvedenom u ranim jutarnjim časovima u centru njemačkog grada Keln, u kojem je ranjena jedna osoba, tvrdi portparolka lokalne policije.
Lokalni list "Kelner ekspres" javio je ranije danas da je jedna osoba ranjena u napadu nožem i vatrenim oružjem u centru Kelna, ali je portparolka policije rekla da još čeka zvaničnu potvrdu iz bolnice, u koju je prebačena povređena osoba, pre nego što navede koja vrsta oružja je korišćena, prenio je Rojters.
"Kelner ekspres" je naveo da je policiju nešto prije četiri sata jutros zvalo nekoliko građana koji su rekli da troje ili četvoro ljudi imaju nekakav problem sa jednim muškarcem.
Svjedoci su naveli da da su vidjeli kako su međusobno sukobili hladnim oružjem, a da je muškarac koji je uboden pokušao da pobjegne automobilom na šta su napadači počeli da pucaju na njega, ali su uspjeli da samo pogode vozilo.
Dvojicu od četvorice napadača policija je kasnije pronašla, a motiv napada nije poznat.
Vezana vijest: Napad u Kelnu, jedna osoba ranjena