NjU DELHI - Najmanje 16 lica je poginulo, a 20 je povrijeđeno u sudaru između autobusa i jednog kamiona koji se sinoć dogodio u predgrađu Rančija, prijestonice države Džarkand u centralnoj Indiji, objavila je novinska agencija Indo-Azijan njuz servis(IANS).
Nesreća se dogodila tri časa poslije ponoći kada su se na nacionalnom putu sudarili autobus koji je prevozio 45 putnika i kamion.
Autobus je putovao iz Džamšedpura u Džarkandu prema distriktu Bihar na istoku Indije.
Agencija IANS navodi da je u sudaru poginulo najmanje 16 lica a da je povrieđeno 20 od kojih je 17 sa težim povredama. Uzrok nesreće još nije poznat.