LONDON - Prva utakmica 30. kola fudbalskog prvenstva Engleske između Čelsija i Totenhema završena je neriješeno 0:0.
Londonski timovi ostali su tako na istim pozicijama na kojima su bili i prije današnje utakmice, pa će u finišu sezone nastaviti borbu za mjesto koje vodi u kvalifikacije za Ligu šampiona.
Totenhem je četvrti sa 55 bodova, koliko ima i Arsenal, a Čelsi peti sa pet bodova manje.
Totenhem je danas imao više prilika od rivala, ali je na golu Čelsija dobro branio Petr Čeh.
Čelsi je najbliži pogotku bio u drugom poluvremenu, kada je Huan Mata pogodio stativu iz slobodnog udarca.
Većina ostalih utakmica 30. kola Premijer lige igraće se danas, dok se sutra sastaju Vest Bromvič Albion - Njukasl, a u ponedjeljak Mančester junajted i Fulam.