LIVERPUL - U nedjelju je Liverpul možda prokockao priliku da osvoji titulu nacionalnog šampiona nakon 24 godine suše, kada su na "Anfieldu" poraženi od Čelsija 2:0.
Ključni trenutak utakmice dogodio se u nadoknadi vremena prvog poluvremena, kada je Stiven Džerard pogriješio prilikom primanja lopte, pokliznuo se i tako dao priliku na tacni Dembi Ba, koji je pogodio za 0:1, piše tportal.hr.
Iako je puno puta za svoju ekipu vadio "kestenje iz vatre", ovog puta je on glavni krivac za poraz.
Međutim, nije ovo prvi put da legendarni kapetan ovako pogriješi. Slična situacija se dogodila i 2006. Njegova povratna lopta je "pronašla" Tjerija Anrija za pobjedu Arsenala 2:1, koja je odvojila Čelsi i Juanjted od Liverpula. Slično je napravio i 2010, kada je njegovo dodavanje presjekao Didije Drogba, i tada poentirao za pobjedu Čelsija i ključne bodove za osvajanje titule.
Ipak, najslavnije njegovo posrtanje dogodilo se tokom intervjua kada se stajao pokraj Čabi Alonsa, koje spada u domenu jefitnog humora. Naravno, zbog toga nije ništa manje smiješno.