LONDON - Jedan od najstarijih fudbalera u Premijer ligi Kevin Filips napusti je danas ekipu Kristal Palasa, kojoj je prošle godine golom iz penala donio plasman u elitno društvo.
Filips ima 40 godina, u dosadašnjem toku sezone odigrao je pet mečeva u Premijer ligi, a na svakom je u teren ulazio s klupe.
"Kevin je imao ugovor na šest mjeseci i on je istekao. Imali smo iskren razgovor. Rekao mi je da želi da bude bliže rodnom kraju i ja ga potpuno razumijem", rekao je menadžer Palasa Toni Pjulis za klupski sajt.
U dosadašnjoj karijeri Filips je igrao za Blekpul, Votford, Sanderlend, Sautempton, Aston Vilu, Vest Bromvič i Birmingem Siti.
Filips je za reprezentaciju Engleske odigrao 8 mečeva, ali se nije upisao u strijelce.