Fudbal

Prvaci slavili uz 300.000 navijača

Prvaci slavili uz 300.000 navijača
Prvaci slavili uz 300.000 navijača
N.N.

Borusija Dortmund pokorila je Njemačku ove sezone, odbranila je titulu u Bundes ligi ostavivši iza sebe Bajern iz Minhena, kojeg je potom ponizila i u finalu Kupa.

"Milioneri" su tako postali sinonim za fudbal u Njemačkoj u posljednje dvije sezone, a na proslavi duple krune u Dortmundu ih je dočekalo čak 300.000 ljudi, prenosi "Bild", koji su zajedno sa svojim ljubimcima proslavili prvu duplu krunu u istoriji trofejnog kluba. Poznato je da Dortmund ima navijače koji su među najvjernijim u Evropi, što su potvrđivale pune tribine "Vestfalena" čak i u sezonama kada su "milioneri" bili bliže dnu nego vrhu tabele. Sada je prošlo vrijeme krize i ako je suditi prema posljednje dvije sezone, dominacija "crno-žutih" je tek počela i drugim ekipama će biti teško izaći iz njihove sjene.

"Nevjerovatno, bilo je čak i više ljudi nego prošle godine kada smo slavili titulu. Ali, to je valjda i normalno jer smo ovaj put došli sa dva trofeja", kazao je sportski direktor Mihael Zorc.

"Milioneri" su u nedjeljnim poslijepopodnevnim satima stigli u Dortmund iz Berlina, gdje su osvojili i Kup, a na aerodromu ih je primio gradonačelnik Ulrih Sierau, a nedjelja veče bila je rezervisana za obilazak grada u otvorenom autobusu.

Čitavim putem ih je bodrilo pomenutih 300.000 ljudi, a prevezli su se do Borsigplaca, gdje je klub i osnovan prije 103 godine. Kroz masu vatrenih navijača autobus je morao da se kreće vrlo sporo, pa je četiri kilometara duga relacija trajala čak sat vremena. Emocije nisu izostale, pa tako ni kod trenera Jirgena Klopa.

"Na Borsigplacu sam čak počeo da plačem", kazao je trener koji je u dvije godine osvojio tri trofeja sa Dortmundom.

Najčitanije