U revanš utakmici četvrtfinala Lige šampiona na Etihadu između Mančester sitija i Totenhema u prvih dvadeset minuta vidjeli smo pet golova.
Tim golovima "građani i "sparsi" srušili su dva rekorda. Nikada u istoriji Lige šampiona dva tima nisu ovako brzo postigli prva četiri gola na utakmici. Već nakon 11 minuta bilo je 2:2, a 10 minuta kasnije pao je i rekord s najbrže postignutih pet golova u jednom susretu Lige šampiona kada je Sterling postigao gol za 3:2.
Prvi rekord prije ove utakmice držala su tri susreta. Fiorentina je vodila protiv Debrecena 2009. 3:1 nakon 20 minuta, istu prednost nakon jednako minuta imala je Borusija Dortmund protiv Legije 2016. godine, a Real je 2011. na Santijago Bernabeu utrpao četiri komada zagrebačkom Dinamu u početnih 20 minuta.
Španci su do kraja utakmice zabili još dva komada tadašnjoj ekipi Krune Jurčića, dok su Fatos Bećiraj i Ivan Tomečak malo uljepšali rezultat za Dinamo.
(index.hr)
Pratite nas na našoj Facebook i Instagram stranici, kao i na X nalogu.