Fudbal

UŽIVO: Ludnica na Enfildu, potpuni preokret Liverpula

UŽIVO: Ludnica na Enfildu, potpuni preokret Liverpula
Foto: Tanjug/AP | UŽIVO: Vajnaldum digao Enfild na noge, Liverpul ima produžetke
N.N.

Fudbaleri Liverpula i Barselone igraju na Enfildu revanš meč polufinala Lige šampiona.

Tok meča:

79' - GOOOOL - Origi pogađa za potpuni preokret. Zaspala je odbrana Barselone dok su se domaćini spremali da izvedu korner, to je iskoristio Robertson i brzo gurnuo lotptu pred gol, a to je iskoristio Divok Origi i drugim golom donio Liverpulu gol za prednost u ukupnom rezultatu.

68' - Dobra šansa za Barsu, savršen pas Rakitića na desnu stranu kaznenog, Mesi ramenom spušta loptu i gađa bliži ugao, ali brani Alison.

56' - GOOOOOOOL - Ponovo Vajnaldum. Klop je pogodio sa izmjenom definitivno. Sjajan centaršut Šaćirija sa lijeve strane, impresivan skok Vajnalduma na petercu i savršen udarac glavom u lijeve rašlje!

54' - GOOOOL - Vajnaldum postiže gol za 2:0. Aleksandar-Arnold je centrirao sa desne strane, lopta pogađa jednog igrača Barse i menja smjer u sredinu kaznenog prostora gdje na nju natrčava Žoržinjo Vajnaldum koji je zakucava u mrežu ispod Ter Štegena!

51' - Spektakularan šut Van Dajka poslije kornera, petom okrenut leđima golu, ali pravo u Ter Štegena. S druge strane tuče Suares poslije još jednog sjajnog pasa Mesija u prazan prostor, ali brani i Beker.

50' - Sjajna lopta za Manea preko odbrane Barselone, ali je loše iskontrolisao fudbal pa Roberto uspijeva da ga izbaci u korner.

46' - Počelo je drugo poluvrijeme. Liverpul kreće na sve ili ništa čemu svjedoči i izmjena koju je napravio Klop. Umjesto beka Robertsona ušao je vezista Vajnaldum. Milner se povlači na poziciju lijevog beka.

Prvo poluvrijeme

40 + 5' - Poluvrijeme. Ostaje još 45 minuta nade za Liverpul. Barsa na pragu finala.

40 + 4' - Sjajna šansa za Albu poslije fantastičnog proigravanja Mesija, izašao je bek Barse sam na golmana Liverpula, ali Alison sjajno interveniše.

43' - Novi šut Robertsona, lopta pogađa Vidala u ruku dok je uklizavao i odlazi za malo pored stative. Šaćiri je loše izveo korner.

35' - Nova "sporna" situacija u kaznenom prostoru Barselone, ponovo je pao Mane, ali sudija iz Turske je opet uvjeren da nije fauliran.

23' - Mane je pokušao da ubaci u sredinu ali se lopta odbilado Robertsona koji je raspalio, ali je Ter Štegen tijelom odbranio.

22' - Henderson je uspio da uputi opasan udarac ka golu barse, ali je lopta pogodila Pikea na sreću ter Štegena.

19' - Nova prilika. Mesi je raspalio po lopti sa ivice kaznenog ali je za malo bio neprecizan

18' - Dvije opasne prilike pred golom crvenih. Najprije je pokušao Kutinjo, ali je Alison odbranio, da bi potom u nastavku Mesi pokušao da gurne loptu u sredinu ali su defanzivci domaćih to presjekli.

16' - Mesi je ponovo bio u sjajnoj prilici, ali je postupio prilično neozbiljno. Pokušao je da se naštima na lijevu nogu, ali je to loše odradio pa je Matip pokupio loptu.

14' - Prva prava prilika Barselone. Zaprijetio je Mesi, ali je golman domaćih bio siguran i poslao loptu u korner

10' - Liverpul je i nakon postignutog gola nastavio s prtiskom. Loptu je u kaznenom primio Mane i pao nakon duela, ali je Čakir samo odmahnuo rukom.

7' - GOOOOOL - Liverpul vodi. Pritisak se isplatio. U šansi se našao Henderson, ali je njegov šut odbranio golman Barse. Međutim, na njegovu šalost na pravom mjestu se našao Origi koji je odbijenu loptu pospremio u mrežu.

2' - Liverpul je oštro krenuo. Došli su crveni već na startu do šanse, ali su izborili samo korner, nakon kojeg su lako otklonili opasnost. 


U prvom susretu na Kamp Nou, Barselona je bila ubjedljiva sa 3:0, na krilima spektakularnog Lionela Mesija.

Iako je Roma prošle sezone pokazala da nije nemoguće nadoknaditi tri gola zaostatka protiv Barse (3:0 poslije 1:4), nema sumnje da je Englezima potrebno čudo da bi se domogli finala.

Osim velikog zaostatka imaju još jedan veliki problem – povrede ključnih igrača. Meč propuštaju Muhamed Salah i Roberto Firmino, te Adam Lalana i Nabi Keita.

Koliko su "Redsi" oslabljeni pokazuju brojevi –Salah je ove sezone postigao 26 golova uz 13 asistencija (4+2 u LŠ), a Firmino 16 pogodaka uz 8 proigravanja (4+1).

Sa druge strane, Kataloncima nedostaju Osman Dembele i Rafinja.

Prednost Barse je i svježina, jer dok je Klop morao da forsira svoje ključne igrače kako bi ostao u igri za titulu Premijer lige, Eresto Valverde je odmarao svoje zvijezde Mesija, Luisa Suaresa, Ivana Rakitića, Đerara Pikea, Đordija Albu, Serhija Busketsa, Mark-Andrea ter Štegena jer su već osvojili LaLigu.

Video
Najčitanije