Boris Beker i Novak Đoković imaju posebnu taktiku, razgovaraju na njemačkom kako ih drugi ne bi razumjeli.
“Koristimo njemački u svlačionici kada su drugi blizu nas. Novak ima otvoren um, uvijek želi da napreduje i sa njim možete o svemu da razgovarate”, kaže Beker, trener prvog reketa svijeta i otkrio šta ga posebno fascinira kod Noleta.
“Pomaže to što je zainteresovan za sve, ne samo za tenis. Možemo da pričamo o ekonomiji, politici, drugim sportovima, nikada mu nedosadi. Kada razgovarate sa pojedinim teniserima poslije 10-15 minuta shvatite u kom smjeru ide razgovor, dok se to sa Novakom ne dešava. On ima otvoren um, stalno želi da uči i da napreduje - kaže Beker.
I pored toga što može sebi da pripiše zasluge za uspjehe koje Đoković ostvaruje, Beker ipak želi da bude u drugom, a ne u prvom planu.
“Nije ovo moj trenutak, već Novakov. On je taj koji trenutno sija. Što se mene tiče, smatram da sam bolji trener sada sa 48 nego što sam bio sa 38 godina. Sada su moji sinovi odrasli i sve to mi je pomoglo da sazrim, jer pazite na sve, ne samo na jednu osobu i mislim da mi je to pomoglo sa Novakom”, kaže nekadašnji uspješni teniser.