Rafael Nadal je pobjednik Mastersa u Monte Karlu! Nadal je u finalu savladao Gaela Monfisa rezultatom 2:1 (7:5, 5:7 i 6:0), osvojivši devetu titulu u Monte Karlu, 68. u karijeri.
Bio je ovo 14. susret Nadala i Monfisa, koji je igrao svoje prvo finale u Monte Karlu.
Današnjom pobjedom u 100. finalu u karijeri Španac je ostvario 12. pobjedu u međusobnim duelima.
Nadalu je ovo i 28. titula na turnirima iz Masters serije 1000, čime se izjednačio sa Novakom Đokovićem.
Španac je do sada igrao deset puta u finalu Monte Karla i jedini poraz nanio mu je upravo Đoković, u finalu 2013. godine.