Dvostruki olimpijski i svjetski šampion u biatlonu, Sergej Čepikov, preminuo je poslije duge i teške bolesti, objavio je na kanalu Telegram, Sergej Averjanov, šef pres službe Ruske biatlonske unije.
Legendarni ruski sportista imao je 59 godina. Postao je prvi pobjednik Svjetskog kupa u istoriji sovjetskog biatlona, osvojivši trofej u sezoni 1989/1990, da bi u sljedećoj odbranio Veliki kristalni globus.
Na Olimpijskim igrama osvojio je zlatne medalje u štafeti (1988) i sprintu (1994). Osvojio je i tri srebrne medalje (1992, 1994, 2006) i jednu bronzanu medalju (1988), kao i dvije zlatne, osam srebrnih i tri bronzane na Svjetskim prvenstvima.
Умер двукратный олимпийский чемпион по биатлону Сергей Чепиков. Ему было 59 летhttps://t.co/pNfnApiI9V pic.twitter.com/8yLmLbmZx0
— Дождь (@tvrain) September 17, 2026
Čepikov je bio nosilac zastave ruske delegacije na ceremoniji otvaranja Olimpijskih igara 1994. u Lilehameru. Od 1995. do 1998. takmičio se u skijaškom trčanju i bio je član nacionalnog tima.
Nakon penzionisanja, bio je poslanik Državne dume 7. i 8. saziva i član Odbora za fizičku kulturu, sport, turizam i pitanja omladine.
Odlikovan je ordenom Za zasluge za otadžbinu 4. stepena, ordenom Za ličnu hrabrost“ i ordenom Znaka časti; te Počasnom značkom za zasluge grada Jekaterinburga i Medaljom Ministarstva unutrašnjih poslova za izuzetne zasluge u službi 1. stepena, prenosi Sport Klub.