BERLIN - Njemačka Federalna agencija za energetske mreže, Bundesnecagentura, saopštila je danas da je "obustavljena procedura sertifikacije kompanije Sjeverni tok 2 AG kao nezavisnog transmisionog operatera" za gas, zbog organizacionih i pravnih pitanja.
"Nakon temeljne analize dokumentacije, Bundesnecagentura je zaključila da će sertifikovanje operatera gasovoda Sjeverni tok 2 biti moguće samo ako je organizaciona forma tog operatera u skladu s njemačkim zakonom", navodi se u saopštenju, prenosi agencija Tas s.
Dalje se dodaje da je kompanija Sjeverni tok 2 AG, sa sjedištem u Cugu, u Švajcarskoj, "odlučila da ne transformiše svoj postojeći organizacinoni oblik, već da osnuje podružnicu prema njemačkom zakonu isključivo za upravljanje njemačkim dijelom gasovoda".
"Ta podružnica će postati vlasnik i operater njemačkog dijela gasovoda, i ona tada mora da ispuni zahtjeve koje za nezavisnog transmiisionog operatera predviđa njemački Zakon o energetskoj industriji", ističe njemački regulator.
Iz njemačke agencije su poručili da će "procedura sertifikacije ostati suspendovana dok glavna sredstva i ljudski resursi ne budu prebačeni na podružnicu, kada će Bundesnecagentura moći da provjeri da li je potpuna dokumentacija koju podružnica, kao novi podnosilac zahtjeva, bude podnijela".