VARŠAVA - Poljska policija saopštila je danas da je bivšem predsjedniku Evropskog savjeta Donaldu Tusku privremeno oduzeta vozačka dozvola i izrečena novčana kazna zbog prebrze vožnje.
Tusk (64) koji je sada na čelu najveće opozicione stranke Građanska platforma objavio je na društvenoj mreži Twitter da je kazna "adekvatna" i da je prihvata bez dalje diskusije.
Njegova vozačka mu je oduzeta na tri mjeseca i dobio je deset kaznenih poena i kaznu zbog prebrze vožnje.
Policija iz mjesta Mlava u centralnom dijelu Poljske gdje je Tusk zaustavljen saopštila je da je vozač prekršio dozvoljeno ograničenje od 50 kilometara na čas zbog čega mu je vozačka dozvola oduzeta na tri mjeseca i dobio je novčanu kaznu.
Jest przekroczenie przepisu drogowego, jest kara zatrzymania prawa jazdy na 3 miesiące plus 10 punktów i mandat. Adekwatna. Przyjąłem ją bez dyskusji.
— Donald Tusk (@donaldtusk) November 20, 2021