Kako biste na brzinu očistili mikrotalasnu, pokvasite mali peškir i zagrijte ga na minut do dva. Komadi hrane i masnoća koji su se zalijepili za rernu tako će omekšati i lakše ćete ih ukloniti. Prebrišite rernu mokrom krpom.
Ako se borite s tvrdokornim mrljama, u šoljicu vode stavite kriške limuna, limete ili narandže te u vodu nacijedite malo soka iz narezanog voća. Ako nemate voća, u šoljicu vode možete dodati i alkoholno ili jabukovo sirće. Upalite mikrotalasnu na nekoliko minuta i kada vidite da se prozor na rerni zamaglio, ugasite je i ostavite da tako stoji pet minuta prije nego što je otvorite. Tada samo krpom prebrišite unutrašnjost rerne.
Bitno je dobro očistiti i vrata mikrotalasne, a najviše pažnje obratite na gumu oko vrata. Spužvicu namočite u vodu i dodajte malo sode bikarbone te dobro prebrišite gumu. Kada ste odstranili svu prljavštinu, dobro sve osušite suvom krpom. Masna vrata operite mješavinom vode i sirćeta u omjeru pola pola.
(24sata.hr)
Pratite nas na našoj Facebook i Instagram stranici, kao i na X nalogu.