Skoro 1.000 vatrogasaca i 15 helikoptera koji bacaju vodu bore se sa velikim šumskim požarom u centralnom Portugalu.
Borbu protiv požara u gustoj šumi blizu Pruensa a Nove otežava vjetar.
Šef lokalne Agencije za civilnu zaštitu Luis Belo Kosta rekao je danas novinarima da je požar zahvatio više od 55 kilometara šume i dodao da suva vegetacija otežava gašenje požara, jer se on brzo širi.
Iz obližnjih naseljenih mjesta je evakuisano više od 20 osoba, a više desetina buldožera čisti oblast.
Požar je počeo juče, a pet vatrogasaca je povrijeđeno kada je njihovo vozilo zahvatio plamen.
U Portugalu se svake godine javljaju veliki šumski požari, a uzrok je uglavnom loše upravljanje šumama.