VAŠINGTON - Islamska država je otela oko 600 djece sa namjerom da ih obuči za bombaše samoubice.
Djeca pripadaju Jezidima, etničkoj grupi Kurda, kojih ima u Siriji i Iraku. Oni su često na meti džihadista koji ih smatraju nevjernicima.
Deca su oteta iz iračke provincije Sindžar i iz okolnih sela, a oko 200 njih je uspjelo da pobjegne, tvrde kurdske vlasti, a prenosi CNN.
Najiskusniji borci Islamske države su poslati na frontove, a djeca vojnici se koriste da se popune "sektori" kojima manjka ljudstva. Radi se uglavnom o odredima koji kreću u samoubilačke napade ili stražarima.
Dječak (12) koji je pobjegao džihadistima rekao je da su ga učili kako da postane bombaš samoubica.
Mass Grave of #Children Who Rejected #ISIS Found in #Sinjar #Iraq https://t.co/qH78kBkcK0 #RadicalIslam << #tcot pic.twitter.com/awjs5rSrla
— Jaime Chanaga (@JaimeChanaga) January 14, 2016
"Bilo nas je oko 60. Najgore je bilo tokom vazdušnih napada. vodili bi nas sve u podzemne tunele da se sakrijemo. Rekli su nam da su naši roditelji nevjenici i da kada se vratimo treba da ih ubijemo", rekao je.
Najmlađi pripadnici Islamske države poznati su kao "mladunci kalifata", a prema pojedinim navodima najmlađi je imao 5 godina.
Navodi se da se širom Sindžara mogu naći masovne grobnice djece koja su odbila da se povinuju naređenjima džihadista.
(NN, kurir.rs/CNN)